Pavodle sajta «Płatformy», pryčynaj, ź jakoj palitviazień nanies sabie ciažkija cialesnyja paškodžańni, stała «adkryta ździeklivaje staŭleńnie administracyi turmy».
Dva hady zapar Mikałaju Aŭtuchoviču vynosiać spahnańni ŭ toj čas, kali skančajucca pakarańni, nakładzienyja raniej.
«Płatforma» piša, što 4 vieraśnia, kali viaźniu zastavaŭsia miesiac da pahašeńnia ŭsich parušeńniaŭ, na jaho było nakładziena novaje spahnańnie. Heta pazbaviła jaho mahčymaści atrymać pasyłku i pieradaču, sustrecca sa svajakami.
Pa niepaćvierdžanaj infarmacyi, pryčynaj spahnańnia stała adsutnaść Aŭtuchoviča 26 žniŭnia na svaim spalnym miescy paśla adboju.
Pa viersii z toj ža ananimnaj krynicy, emacyjnaja reakcyja Aŭtuchoviča na spahnańnie tłumačycca tym, što viazień staranna sychodzić ad lubych parušeńniaŭ: «Jamu, jak vajskoŭcu, nie ciažka ŭstać ranicaj i svoječasova lehčy spać. Jon pryzvyčaiŭsia da takoha režymu. Pryzvyčaiŭsia i pa paŭhoda ni z kim nie razmaŭlać, kažučy ŭ dzień pa pary dziažurnych fraz — aby nie davać nahody da dalejšych pravakacyj».
Kali za Aŭtuchovičam zamacujecca status złosnaha parušalnika, termin jaho źniavoleńnia moža być padoŭžany.
Taksama viaźniu moža być pryznačany previentyŭny nahlad paśla vyzvaleńnia. Dla takich vypadkaŭ isnuje artykuł 411 Kryminalnaha kodeksa — złosnaje niepadparadkavańnie patrabavańniam administracyi vypraŭlenčaj ustanovy, što vykonvaje pakarańnie ŭ vyhladzie pazbaŭleńnia voli.
Mikałaj Aŭtuchovič — praprymalnik z Vaŭkavyska, vieteran-«afhaniec». Upieršyniu byŭ aryštavany ŭ kastryčniku 2005 hoda.
Abvinavaciŭšy ŭ niavypłacie padatkaŭ, jaho asudzili na try z pałovaj hady. Jon byŭ adnym z šaści palitźniavolenych, vyzvalenych u vyniku žorstkich sankcyj ZŠA i ES
Mikałaj Aŭtuchovič druhi raz byŭ aryštavany 8 lutaha 2009 h., asudžany 6 maja 2010 h. Viarchoŭnym sudom Respubliki Biełaruś pa č. 3 art. 295 KK (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ) da 5 hadoŭ i 2 miesiacaŭ pazbaŭleńnia voli va ŭmovach strohaha režymu.
Rašeńniem suda ad 17 studzienia 2012 h. umovy adbyćcia pakarańnia byli źmienienyja na bolš žorstkija, pieraviedzieny z kałonii № 5 u Ivacevičach ŭ turmu № 1 h. Hrodna.
