Dvaccać dva hady tamu, 19 vieraśnia 1991 hoda, biełaruski parłamient zaćvierdziŭ dziaržaŭnymi simvałami bieł-čyrvona-bieły ściah i hierb «Pahonia».
Praz čatyry hady Alaksandr Łukašenka inicyjavaŭ refierendum, na jakim zamiest ich dziaržaŭnymi hierbam i ściaham byli zaćvierdžany madyfikavanyja simvały savieckich časoŭ.
Karespandenty BiełaPAN spytali ŭ biełarusaŭ, a jakija hierb i ściah, na ich dumku, majuć bolšaje prava być biełaruskimi dziaržaŭnymi?
«Našy tradycyjnyja histaryčnyja simvały — bieł-čyrvona-bieły ściah i hierb «Pahonia». «Pakinuć tyja, što jość».
«Adnaznačna treba viarnuć bieł-čyrvona-bieły ściah, bo heta naša historyja. Čyrvonaja pałasa aznačaje, što cieraz našu terytoryju prachodzili kryvavyja vojny. A što ŭ nas ciapier? Usie byłyja savieckija respubliki admovilisia ad savieckich simvałaŭ, a my — nie. Heta niapravilna».
«Ciapierašni ściah jakraz simvalizuje siońniašniuju Biełaruś. Nie varta ničoha varušyć, naadvarot, prapahandavać toje, što jość, asabliva siarod moładzi».
«Samaje najlepšaje — heta zachavańnie tradycyj Respubliki Biełaruś, jakija biaruć svoj pačatak z 1919 hoda. Bieł-čyrvona-bieły ściah — taksama dobra, ale jon padobny na ściahi Polščy, Prybałtyki».
«Naš siońniašni ściah simvalizuje našu zialonuju krainu, našu niezaležnaść, a bieł-čyrvona-bieły? Niejki rycar polski skača».
«Pavinna być „Pahonia“. I razmaŭlać treba na biełaruskaja movie, a nie na movie našych zachopnikaŭ».
