AAT «Urałkalij» vykazvaje škadavanie «ŭ suviazi z zajavami biełaruskaha kiraŭnictva adnosna ciapierašniaha stanu kampanii i jaje finansavaj spravazdačnaści, jakija hańbiać dziełavuju reputacyju kampanii i nie adpaviadajuć rečaisnaści».
U raspaŭsiudžanaj viečaram 19 vieraśnia zajavie «Urałkalija» padkreślivajecca, što heta spravazdačnaść była aŭdyravana i zaśviedčana adnoj ź viadučych suśvietnych aŭdytarskich kampanij u poŭnaj adpaviednaści ź mižnarodnymi standartami.
Niezaležny dyrektar i staršynia kamiteta pa aŭdytu AAT «Urałkalij» Poł Ostlinh u suviazi z hetym adznačyŭ:
«Urałkalij» imkniecca da maksimalnaj adkrytaści i dakładnaści ŭ svajoj finansavaj spravazdačnaści. Try niezaležnyja členy kamiteta pa aŭdytu sočać za padrychtoŭkaj finansavaj spravazdačnaści i atrymlivajuć dakłady naŭprost ad niezaležnych źniešnich aŭdytaraŭ «Urałkalija». Finansavaja spravazdačnaść kampanii rehularna i biez ahavorak zaśviedčvajecca na adpaviednaść mižnarodnym standartam. Tamu my ličym, što zajavy biełaruskich uład niekarektnyja i źjaŭlajucca častkaj kampanii pa dezinfarmacyi, nacelenaj na naniasieńnie ŭronu reputacyi i biźniesu «Urałkalija».
Nahadajem, siońnia na naradzie pa biahučych ekanamičnych i źniešniepalityčnych pytańniach Alaksandr Łukašenka daručyŭ prainfarmavać Łondanskuju i Maskoŭskuju biržy ab realnaj finansavaj situacyi na «Urałkalii».
Na dumku Łukašenki, kalijny skandał byŭ naładžany dla taho, kab skryć ułasnyja prablemy na «Urałkalii». «Jak ja, tak i vy zadajaciesia ŭsio čaściej pytańniem: navošta było, zdajecca b, paśpiachovaje pradpryjemstva („Urałkalij“, dy i našy) uvodzić u stan kryzisu? U ich da samich usio ruchnuła — i kaciroŭki akcyj, i prybytak. Naprošvajecca vysnova, što za źniešniaj paśpiachovaściu haspadaroŭ „Urałkalija“ skryvalisia surjoznyja prablemy. Miarkujučy pa ŭsim, da peŭnaha času ich udavałasia skryvać za košt padtasoŭki finansavaj spravazdačnaści, a nasamreč jany ŭsio bolš zalazali ŭ daŭhi, brali kredyty. Dy i na vytvorčaści va „Urałkalija“ adny prablemy — zatopleny rudniki, prasiadaje horad, davodzicca pierasialać ludziej»
