Zabłukałaha ŭ lesie žychara Homielskaha rajona 1943 hoda naradžeńnia miascovyja ratavalniki znajšli pa pojas u bałocie.
Pa dapamohu ŭ pošuku piensijaniera 19 vieraśnia ŭ 18.28 źviarnułasia adnaviaskoŭka. Mužčyna pajšoŭ ranicaj u čaćvier u hryby ŭ les, a ŭviečary pieratelefanavaŭ synu z mabilnika i paviedamiŭ, što zabłukaŭ kala vioski Cykuny.
Pažyły čałaviek paśpieŭ skazać, dzie znachodzicca, zaryjentavaŭšysia pa aporach linij elektrapieradačy.
Nieŭzabavie telefon hrybnika razradziŭsia, i źviazacca ź im nie ŭdavałasia.
Da pošuku padklučylisia pravaachoŭnyja orhany i rabotniki MNS. Paśla prachodžańnia kala 15 km lesu ŭ 21.16 pažyłoha čałavieka znajšli ratavalniki ŭ bałocistym miescy praktyčna pa pojas u vadzie. Mužčyna, na ščaście, nie paciarpieŭ i ŭ špitalizacyi nie mieŭ patrebu.
