Hałoŭny ŭrač Mazyrskaj haradskoj balnicy Siarhiej Hankovič paviedamiŭ karespandentu «NN», što pa stanie na 6:00 20 vieraśnia z charčovymi atručvańniami ŭ balnicu pastupiŭ 71 vučań mazyrskich škoł.
«Usie spracavali vielmi apieratyŭna. Dobra, što baćki adrazu źviarnulisia pa miedycynskuju dapamohu. Dzieciam ź lohkaj formaj atručvańnia zrabili pramyvańnie i adpuścili dadomu. Na hety momant u balnicy zastajecca 13 čałaviek, ich stan zadavalniajučy», — paviedamiŭ sp. Hankovič.
Pavodle słovaŭ Hankoviča, u balnicu źviartalisia vučni roznych haradskich škoł i roznych uzrostaŭ: ad pieršych da 11 kłasaŭ.
«Vyśviatleńniem pryčyn charčovaj taksikainfiekcyi buduć zajmacca sanitarna-epidemiałahičnyja słužby z Mozyra i Homiela», — skazaŭ jon.
Raniej BiełTA paviedamlała, što na śniadanak 19 vieraśnia navučency čatyroch mazyrskich škoł i himnazii jeli bulbianoje piure, advaranuju kaŭbasu, sałatu z aharodniny i hłazuravanyja syrki. Uviečary mnohija dzieci adčuli bol u straŭniku i źviarnulisia pa miedycynskuju dapamohu.
