Kamanda słužby achovy Łukašenki ŭ Jałcie na mižnarodnych spabornictvach, vierasień, 2012. Fota news24ua.com.
Błohier d-zholik nadrukavaŭ ličby kolkaści supracoŭnikaŭ roznych siłavych struktur Biełarusi, členaŭ spartovaha tavarystva «Dynama». Błohier ličyć: «U nas u krainie ŭsio robicca ŭ dobraachvotna-prymusova, tamu ŭ BFST ustupili praktyčna 100% kadravaha składu siłavych viedamstvaŭ».
Ličby nie śviežyja, z 2005 hoda. Za hady čas siłavyja viedamstvy mahli pavialičycca ŭ kolkaść.
Pavodle členstva ŭ BFST «Dynama», u KDB pracuje nie mieniej za 3 tysiačy čałaviek. Uzhadvajecca, što adnojčy Łukašenka skazaŭ pra 12 tysiač «čekistaŭ».
Mahčyma, jon mieŭ na ŭvazie kamitetčykaŭ i pamiežnikaŭ razam (pahrancy ŭ saviecki čas uvachodzili ŭ strukturu KDB), plus inšyja śpiecsłužby. Pamiežnikaŭ 6 tysiač.
Uražvaje kolkaść supracoŭnikaŭ Słužby biaśpieki prezidenta — u 2005 hodzie ŭ «Dynama» ich było 680 čałaviek. Nie našmat mieniej, čym u KDB. D-zholik robić vysnovu, što za hety čas kolkaść mahła ŭzraści: praz palityčnyja pracesy, terakty, a taksama źjaŭleńnie małodšaha syna ŭ Łukašenki.
U MUS naličvajecca 44 tysiačy čałaviek. Anansavanaje skaračeńnie ŭ siłavikoŭ, mabyć, jakraz najpierš i datyčyć milicyjanieraŭ. Pra zvolnienych kadebistaŭ pakul ničoha nie čuvać.
U finansavaj milicyi ŭ šerahach BFST «Dynama» naličvajecca 700 čałaviek, u Mytnaha kamiteta — 4 tysiačy, u MNS — 13 tysiač.
Varta adznačyć, što siarod pryviedzienych ličbaŭ niama kolkaść supracoŭnikaŭ Hienprakuratury, a taksama novaŭtvoranych viedamstvaŭ — Śledčaha kamiteta, AAC i Kamiteta sudovych ekśpiertyz.
