22 vieraśnia ŭvieś śviet budzie adznačać Dzień biez aŭtamabila. Ideja hetaha dnia źjaviłasia ŭ 1988 hodzie ŭ Francyi. I voś užo dzieviać hadoŭ pry kancy vieraśnia bahata jakija harady zakryvajucca dla pryvatnych aŭtamabilaŭ, a mieścičy pierasiadajuć na rovary i hramadzki transpart. Štohod prychilniki ekalohii pry padtrymcy administracyj haradoŭ i miastečak sprabujuć pakazać, što ŭ haradach možna cudoŭna žyć biez aŭtamabilaŭ, zahazavanaści j zatoraŭ.

Aŭtamabilnyja prablemy bujnych haradoŭ dakacilisia j da Miensku, ale tut pakul spadziajucca dać im rady z dapamohaj vyšejšych parkinhaŭ dy šyrejšych daroh.

Ale pryjadnacca da suśvietnaj adnadzionnaj hulni “nie-ŭ-mašynki” budzie mahčymaść i ŭ mienčukoŭ. U subotu apoŭdni ad Nacyjanalnaj biblijateki startujuć biezaŭtamabilnyja spabornictvy pa haradzkim aryntavańni z azartnaj nazvaj «Adryŭ». Jak zapeŭnivajuć arhanizatary, hulcy zmohuć pabačyć horad z novaha, niečakanaha boku, pabyvać u tych staličnych kutkach i miaścinach, dzie im nikoli nie davodziłasia byvać raniej, paspaborničać u viedańni Miensku j z karyściu prabavić subotni dzień na śviežym pavietry.

Daznacca bolej i padać zajaŭku na ŭdzieł možna na
sajcie haradzkoj hulni «Adryŭ»

Клас
0
Панылы сорам
0
Ха-ха
0
Ого
0
Сумна
0
Абуральна
0