Siońnia sudździa Centralnaha rajonnaha suda Homiela Maryna Damnienka pryznała maładziovaha aktyvista Andreja Cianiutu vinavatym u łajancy ŭ hramadskim miescy i pryznačyła jamu 10 sutak administratyŭnaha aryštu.

Nahadajem, Andrej Cianiuta byŭ zatrymany prarektaram pa vychavaŭčaj pracy Siarhiejem Chanieniem kala budynku ŭniviersiteta 14 vieraśnia. Pavodle śviedčańniaŭ univiersiteckaha načalnika, maładzion rasklejvaŭ ulotki ź infarmacyjaj pra niezakonna adličanaha studenta matematyčnaha fakulteta Źmitra Žaleźničenku. Aktyvist utrymlivaŭsia prarektaram u jahonym kabiniecie da pryjezdu milicyjantaŭ. U pratakole Siarhiej Chanienia śviedčyŭ, što padčas zatrymańnia junak brydkasłoviŭ i šturchaŭsia.

Śviedkami na pracesie vystupili Chanienia i jašče adzin prarektar Jury Kułažanka. Apošni skazaŭ, što nie čuŭ łajanki ad Cianiuty. A hałoŭny ideołah HDU Chanienia zajaviŭ, što Cianiuta kryčaŭ pra luboŭ da Radzimy, łajaŭsia i apielavaŭ da Dekłaracyi ab pravach čałavieka, jakaja była ŭ jaho ŭ rukach.

Advakat aktyvista Piotr Barysaŭ ličyć prysud nieapraŭdana žorstkim. Jon nie bačyć u dziejańniach Cianiuty taho, za što možna było b prysudzić 10 sutak. Maksimum, u čym jaho mahli abvinavacić — heta abraza Chanieni, jaki kaža, što Cianiuta jaho šturchaŭ, miarkuje Barysaŭ.

Julija Siviec, Radyjo Racyja

Клас
0
Панылы сорам
0
Ха-ха
0
Ого
0
Сумна
0
Абуральна
0