Pieratrus ładziŭsia supracoŭnikami žłobinskaha KDB – majoram Hlancevičam i staršymi lejtenantami Kołasam i Vaviłavym. U chłopca skanfiskavali systemny blok kamputara, šeść bieł-čyrvona-biełych ściahoŭ, balončyki z farbaj i znački.

Potym Kiryłu vyklikali na dopyt u KDB, jaki vioŭ śledčy Kołas. Adbyvaŭsia jon u prysutnaści baćki Kiryły, bo Kiryła niepaŭnaletni. Śledčaha cikaviła dziejnaść maładoha čałavieka, jaho prynaležnaść da niezarehistravanaha «Maładoha frontu».

«Mianie dapytvali ŭ jakaści śviedki, pra kryminalnuju spravu suprać mianie asabista nie viałosia, ale ja nie vyklučaju, što ŭ časie nastupnaha dopytu moj status źmienicca» – patłumačyŭ K. Atamančyk. Čarhovy dopyt pryznačany na piatnicu 23 vieraśnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?