Kiraŭnika «Urałkalija» Uładzisłava Baŭmhiertniera pieraviali z turmy KDB pad chatni aryšt. Ciapier biznesmien znachodzicca ŭ zdymnaj kvatery ŭ adnym z rajonaŭ Minska pad kruhłasutkavym nazirańniem KDB.
Da jaho puścili maci, jakaja napiaredadni prylacieła ŭ Minsk u nadziei na spatkańnie z synam u turmie KDB.
ZA KVATERU ZAPŁACIŬ HARAČKA
Rasijski advakat Uładzisłava Baŭmhiertniera Alaksiej Basistaŭ kaža: «Heta było absalutna niečakana. Unačy vyklikali advakata. Vyklikali mamu Uładzisłava. Pieravieźli na hetuju kvateru.
Kvateru asabista padbirali supracoŭniki KDB.
Apłaciŭ jaje advakat Dźmitryj Haračka».
Maci Uładzisłava Baŭmhiertniera Taćciana Jahoraŭna, pa słovach Basistava, žyvie razam z synam. Raniej jana znachodziłasia ŭ hateli.
Pavodle Kryminalna-pracesualnaha kodeksa, asobam, jakija znachodziacca pad chatnim aryštam, zabaroniena:
— vychodzić z žylla całkam abo ŭ peŭny čas;
— vieści telefonnyja pieramovy, karystacca srodkami suviazi;
— mieć znosiny z peŭnymi asobami i prymać kaho b tam ni było ŭ siabie.
U roznyja časy pad chatnim aryštaŭ u Biełarusi byli: kandydat u prezidenty na vybarach 2010 hoda Uładzimir Niaklajeŭ, žurnalistka Iryna Chalip, śledčaja Śviatłana Bajkova kolišnijaia kiraŭnica spravami prezidenta Halina Žuraŭkova, były kiraŭnik Nacbanka Tamara Vińnikava
