Biełaruś, u adroźnieńnie ad Rasii, nie bačyć pahroz dla svajoj ekanomiki ad ustupleńnia Ukrainy ŭ zonu svabodnaha handlu Jeŭrasajuza. Pra heta jon zajaviŭ paśla sustrečy z premjeram Ukrainy Mikołam Azaravym. Jany spatkalisia ŭ časie pasiadžeńnia Najvyšejšaj jeŭrazijskaj ekanamičnaj rady ŭ Astanie (Kazachstan). Biełaruś — paŭnapraŭnaja ŭdzielnica jaje, a Ukraina brała ŭdzieł u jakaści naziralnicy.
«Treba prahmatyčna aceńvać zonu svabodnaha handlu ź ES», — cytuje Miaśnikoviča karespandent rasijskaha sajta Gazeta.ru u Astanie.
Miaśnikovič prapanavaŭ šukać kampramis u pytańniach handlova-ekanamičnaha supracoŭnictva.
Mikałaj Azaraŭ paśla sustrečy z premjeram Biełarusi zajaviŭ, što Ukraina moža dałučycca da 70 pahadnieńniam, jakija dziejničajuć u Mytnym sajuzie.
Pry hetym Kijeŭ maje ćviordy namier trymacca kursu na jeŭraintehracyju.
