Novy raman pra «ahienta 007» Džejmsa Bonda pastupić siońnia ŭ prodaž na terytoryi Brytanii.
Aŭtaram knihi pad nazvaj «Soła» (Solo) staŭ znakamity šatłandski ramanist Uiljam Bojd, jaki atrymaŭ aficyjnaje prava praciahnuć sieryju ramanaŭ lehiendarnaha suajčyńnika Jana Fleminha pra pryhody supieršpijona Džejmsa Bonda.
Pavodle zadumy piśmieńnika, u ramanie Bond admaŭlajecca padparadkoŭvacca kiraŭnictvu i vykonvaje zadańnie, mety dla jakoha vyznačaje samastojna.
Novaje padarožža «ahienta 007» razhorniecca na troch kantynientach, uklučajučy Afryku.
Napiaredadni vychadu novaj knihi Bojd namiaknuŭ, što choča pamianiać termin dla abaznačeńnia siabrovak hieroja z «dziaŭčat Bonda» na «žančyn Bonda». Inšyja čakańni adnosna prychilnaściaŭ Bonda zastanucca niaźmiennymi, u tym liku zvyčki kuryć i vypivać.
Dziejańnie razhortvajecca ŭ 1969 hodzie.
Publikacyja prymierkavana da 60-hodździa vychadu ŭ śviet pieršaj knihi Fleminha pra Džejmsa Bonda «Kazino «Rojał».
Jan Fleminh (1908–1964) napisaŭ 12 ramanaŭ i dva zborniki apaviadańniaŭ ab «ahiencie 007», na ich asnovie jakich byŭ stvorany znakamity cykł vostrasiužetnych filmaŭ.
