Siońnia Uładzimir Pucin i Alaksandr Łukašenka pavinny byli ŭbačyć finalnyja bai sumiesnych vučeńniaŭ «Zachad-2013» pobač z Hrodna i ŭ Kalininhradzie (Rasija), dzie sumiesnyja vojski pavinny byli «bambić bajevikoŭ».
Ale niepahadź užo zatrymała vylet prezidenta Rasii, a kramloŭski puł amal čatyry hadziny kružyŭ nad Hrodnam, a potym sieŭ u Minsku.
Pieradavy bort z kramloŭskim pułam pavinien byŭ pryziamlicca ŭ Hrodnie ŭ 7.30 ranicy pavodle miascovaha času). Ale z-za niepahadzi samalot z žurnalistami lotaŭ nad Biełaruśsiu lišnich try hadziny 40 chvilin i pryziamliŭsia ŭ Minsku ŭ 10.10. «Nie prymaje aeraport, — tłumačyŭ ekipaž. — Niepahadź».
Uładzimir Pucin pavinien byŭ prybyć u Hrodna ŭ 10.30, a na palihon «Hožski» — u 11.10. Ale na momant pryziamleńnia žurnalistaŭ Uładzimir Pucin jašče navat nie vylecieŭ. «Vučeńni pakul nie admianiali», — skazali RBK daily.
Na «Hožskim» palihonie pad Hrodna Łukašenka i Pucin mielisia nazirać pieradapošniuju fazu vučeńniaŭ, finalnuju — u Kalininhradzie ŭ «Chmieleŭcy». Kožnaja ź bitvaŭ budzie doŭžycca pa 50 chvilin.
Sałdaty pavodle scenara źniščajuć niezakonnaje ŭzbrojenaje farmavańnie, jakoje praryvajecca na terytoryju Sajuznaj dziaržavy.
