«Heta davoli vialikaja kvatera, try pakoi. Na ŭmovy jon nie skardzicca. Sa słovaŭ biełaruskich advakataŭ, pačuvajecca jon niakiepska», — raspaviadaje rasijski advakat Uładzisłava Baŭmhiertniera Alaksiej Basistaŭ. — «Uładzisłavu zabaroniena vychodzić z kvatery i karystacca srodkami suviazi»
«List ad maci biełaruskamu prezidentu byŭ dastaŭleny pazaŭčora ŭ Minsk. Heta byŭ asabisty zvarot ad čałavieka da čałavieka, nie pracesualny dakumient. Ci pračytaŭ jaho Alaksandr Łukašenka, ja nie viedaju. Nie viedaju taksama, ci heta akazała ŭpłyŭ na źmianieńnie miery strymańnia Uładzisłava», — kaža Basistaŭ.
Taćciana Jahoraŭna prybyła ŭ Minsk učora, bo pavodle vusnaj damoŭlenaści joj abiacali siońnia spatkańnie z synam. Ciapier maci znachodzicca razam z synam u kvatery, dzie jon adbyvaje chatni aryšt.
Z pravachoŭnych orhanaŭ Rasii da Basistava nichto nie źviartaŭsia. Ci adbyvajucca śledčyja dziejańni na terytoryi Rasii, advakat nia viedaje.
U noč na 26 vieraśnia ŭnačy hienieralnaha dyrektara «Urałkalija» Uładzisłava Baŭmhiertniera ekstranna pieraviali ź SIZA KDB pad chatni aryšt. Jon znachodzicca ŭ zdymnaj kvatery, padabranaj supracoŭnikami KDB, razam z maci.
Uładzisłaŭ Baŭmhiertner byŭ zatrymany 26 žniŭnia i abvinavačany ŭ złoŭžyvańni ŭładaj i naniasieńni škody ŭ 100 miljonaŭ dalaraŭ. Znachodziŭsia ŭ SIZA KDB.
