Supracoŭnikami Kamiteta dziaržaŭnaj biaśpieki Biełarusi pry atrymańni niezakonnaha hrašovaha ŭznaharodžańnia zatrymanyja zahadčyca i advakat jurydyčnaj kansultacyi Savieckaha rajona Minska Ab hetym paviedamiła pres-słužba KDB.
Niepasredna pry pieradačy hrošaj byŭ zatrymany i pasrednik — dyrektar adnaho z pryvatnych kamiercyjnych pradpryjemstvaŭ stalicy.
Hrašovyja srodki ŭ pamiery 10.000 dalaraŭ ZŠA pieradaŭ zatrymanym žychar Minska dla dalejšaha nakiravańnia ich u jakaści chabaru słužbovym asobam pravaachoŭnych orhanaŭ za spryjalnaje vyrašeńnie pytańnia ab raspačynańni kryminalnaj spravy pa fakcie ŭčynienych u dačynieńni da nazvanaha hramadzianina supraćpraŭnych dziejańniaŭ.
U dačynieńni da zatrymanych upraŭleńniem KDB pa Minsku i Minskaj vobłaści raspačata sprava pa prykmietach składu złačynstva, praduhledžanaha č. 5 art. 16 KK (saŭdzieł u złačynstvie) i č. 2 art. 431 KK (dača chabaru).
Dla dalejšaha rasśledavańnia kryminalnaja sprava pieradadziena ŭ Śledčy kamitet Biełarusi.
