Pres-sakratar prezidenta RF anansavaŭ abmierkavańnie Pucinym i Łukašenkam spravy «Urałkalija».
Kiraŭniki Rasii i Biełarusi Uładzimir Pucin i Alaksandr Łukašenka, jakija ŭ čaćvier razam buduć nazirać za chodam vajennych vučeńniaŭ, mohuć abmierkavać spravu «Urałkalija», paviedamiŭ «Russkoj słužbie novostiej» pres-sakratar kiraŭnika rasiejskaj dziaržavy Dźmitryj Piaskoŭ.
Piaskoŭ udakładniŭ, što paradak dnia praduhledžvaje zusim inšuju temu, ale nielha vyklučać, što i hetaja prablema budzie zakranutaja.
U čaćvier stała viadoma, što zatrymanamu ŭ kancy žniŭnia ŭ Minsku hiendyrektaru «Urałkalija» Uładzisłavu Baŭmhiertnieru źmianili mieru strymańnia z utrymańnia pad vartaj na chatni aryšt u Minsku.
