Infarmacyja ab tym, što palitviazień Mikałaj Aŭtuchovič, jaki adbyvaje pakarańnie ŭ Hrodzienskaj turmie № 1, pryčyniŭ sabie ciažkija cialesnyja paškodžańni całkam padćvierdziłasia, paviedamlaje pravaabarončy sajt spring96.org.
Pa słovach advakata, Aŭtuchovič nanios sabie parezy lazom u vobłaści žyvata, ale ciapier adčuvaje siabie dobra.
Palitviazień, jak paviedamlałasia raniej, abskardziŭ vyniesienaje raniej spahnańnie prakuroru Hrodzienskaj vobłaści, adnak 24 vieraśnia administracyja papraŭčaj ustanovy abviaściła jamu adkaz prakuratury, u jakim paviedamlajecca pra toje, što jahonaja skarha pieranakiravana ŭ Departamient vykanańnia pakarańniaŭ.
U suviazi z čym prakuratura admoviłasia pravieści pravierku — nieviadoma, pakolki zhodna z art. 113 Kryminalna-vykanaŭčaha kodeksu, asudžany maje prava abskardzić rašeńnie słužbovaj asoby ab nakładańni spahnańnia vyšejstajačaj słužbovaj asobie, prakuroru ci ŭ sud.
Takim čynam, kali skarha Aŭtuchovičam była nakiravana prakuroru, jon i pavinien byŭ pravodzić pravierku, a nie pieranakiroŭvać skarhu ŭ Departamient.
Viadoma taksama, što padadzienaja dadatkovaja skarha prakuroru Hrodzienskaj vobłaści. Adkaz pakul nie atrymany.
Mikałaju Aŭtuchoviču 4 vieraśnia paviedamili, što turemnym kantraloram 27 žniŭnia na jaho byŭ składzieny rapart za parušeńnie praviłaŭ unutranaha rasparadku papraŭčaj ustanovy.
Pryčynaj dla składańnia rapartu pasłužyła toje, što nibyta 26 žniŭnia jon paśla adboju nie znachodziŭsia na svaim spalnym miescy. Ale palitviazień pryncypova vykonvaje režym, pakolki praz try tydni ŭ dačynieńni da jaho pavinny byli być pahašany ŭsie spahnańni.
