"My hatovy pačać ź Biełaruśsiu paŭnavartasnaje supracoŭnictva" - zajaviła kamisar Jeŭrasajuza pa źniešnich suviaziach i palitycy dobrasusiedstva Bienita Fierera-Valdnier 18 vieraśnia na sustrečy ź biełaruskimi žurnalistami ŭ Brusieli.

"Dla nas vidavočna, što Biełaruś źjaŭlajecca niepasrednym susiedam ES i vielmi važna prapanavać joj tyja mahčymaści, što jość dla inšych krain, jakija paŭnavartasna ŭdzielničajuć u jeŭrapiejskaj palitycy dobrasusiedstva", — skazała jeŭrakamisar.

B.Fierera-Valdnier padkreśliła, što ŭsie prapanovy ES vykładzieny ŭ dakumiencie "Što Jeŭrapiejski sajuz moža dać narodu Biełarusi". "My ŭ adkaz čakajem pahłybleńnia pracesaŭ demakratyzacyi", — zaznačyła jana.

Pry hetym kamisar ES padkreśliła, što samymi važnymi ŭmovami dla pačatku supracoŭnictva źjaŭlajucca vyzvaleńnie palitźniavolenych, mahčymaści dla svabodnaj pracy ŚMI, praviadzieńnie svabodnych i sumlennych vybaraŭ.

"Za čas, što prajšoŭ z momantu pradstaŭleńnia dakumienta, my nie zaŭvažyli nijakaj reakcyi ŭ adkaz z boku biełaruskich uładaŭ na našy prapanovy. Adčuvajecca adsutnaść palityčnaj voli dla naładžvańnia supracoŭnictva", — skazała jeŭrapiejski čynoŭnik. Jana zaznačyła, što ciapier usie pieramovy i kantakty pamiž ES i Biełaruśsiu zastajucca "na techničnym uzroŭni". "My nie možam pracavać z apošnim dyktatarskim režymam u Jeŭrpopie", — patłumačyła jana.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?