Turaŭ (Homielskaja vobłaść), photo.bymedia.net
Adroźnieńni ŭ typach tualetaŭ biełarusaŭ zaležać ad uzroŭniu adukacyi hałavy siamji.
Sučasny tualet sa zmyvam, spałučany ź sistemaj kanalizacyi, vykarystoŭvajuć 88,4% siemjaŭ, hałava jakoj maje dypłom ab vyšejšaj adukacyi. I tolki čverć (26,5%) siemjaŭ, kiraŭnik jakoj skončyŭ pačatkovuju škołu.
Adnak bolš vyznačalnym źjaŭlajecca faktar dabrabytu siamji i miesca pražyvańnia.
Tolki 4,4% najmienš zabiaśpiečanych biełarusaŭ majuć tualet sa zmyvam, spałučanym z kanalizacyjaj.
Bolš za tracinu (38,3%) sielskich žycharoŭ karystajucca tualetam z vyhrabnoj jamaj i naściłam dla siadzieńnia.
Da takoj vysnovy pryjšli aŭtary maštabnaha daśledavańnia pa acency stanovišča žančyn i dziaciej u Biełarusi, praviedzienaha dziciačym fondam AAN i Nacyjanalnym statystyčnym kamitetam (Biełstat). Adzin z raździełaŭ vynikovaha dakładu pryśviečany vodazabieśpiačeńniu i sanitaryi ŭ biełaruskich siemjach.
Absalutnaja bolšaść biełarusaŭ karystajucca palepšanymi sanitarna-hihijeničnymi pryładami dla vydaleńnia ekskremientaŭ.
Vyklučeńnie — Homielskaja i Minskaja vobłaść, dzie hety pakazčyk skłaŭ 94,7 i 96,8% adpaviedna.
Pry hetym palepšanymi pryładami ličacca tyja, što dazvalajuć hihijenična vydalać adkidy žyćciadziejnaści, biez kantaktu z čałaviekam. Siudy adnosiać tualet sa zmyvam, spałučany z kanalizacyjaj, adstojnikam ci vyhrabnoj jamaj; tualet z dobraŭparadkavanaj vyhrabnoj jamaj i vientylacyjaj, a taksama tualet z vyhrabnoj jamaj i naściłam dla siadzieńnia.
