Vice-premjer Biełarusi Michaił Rusy siońnia aznajomiŭsia sa stylizavanymi padvorjami rajonaŭ Homielskaj vobłaści, jakija raźmiaścilisia na bulvary Mietałurhaŭ ŭ Žłobinie — stalicy «Dažynak-2013».
U čas znajomstva z padvorkami vice-premjer atrymaŭ prapanovu ad rusałki zahadać svajo samaje zapavietnaje žadańnie. Paśla praviadzieńnia čaroŭnych abradaŭ vadzianaja hościa śviata paabiacała, što heta žadańnie abaviazkova spraŭdzicca.
Karespandent pacikaviŭsia ŭ Michaiła Rusaha, jakim ža było heta patajemnaje žadańnie. «Kab Boh stała žyŭ u Biełarusi», — adkazaŭ jon.
«Jość pavierje, što Kiryła Turaŭski, pamirajučy, skazaŭ: „Pryjdzie čas, i ja dam znać pra nadychod dabratvornaha času na hetaj ziamli“. Pačaŭ raści kryž u Turavie, mahčyma, heta i jość znak ad našaha vialikaha ziemlaka. Tamu niachaj hetaja błahadać zaŭsiody budzie nad Biełaruśsiu», — skazaŭ Michaił Rusy.
