Parłamient Dahiestana nie budzie vyłučać zamiest Sulejmana Kierymava novaha kandydata na pasadu rasijskaha sienatara ad respubliki, paviedamiŭ pradstaŭnik respublikanskaha parłamienta.
«Nijakich razmoŭ pra toje, kab zamianić Kierymava, nie viadziecca. Moža, takija razmovy jość u Maskvie, u suviazi padziejami vakoł «Urałkalija», a ŭ respublicy ŭ jaho ŭsio narmalna», — raspavioŭ surazmoŭca ahienctva.
Kierymaŭ źjaŭlajecca fihurantam kryminalnaj spravy, raspačataj u Biełarusi paśla admovy «Urałkalija» ad supracoŭnictva z najbujniejšym pradpryjemstvam krainy — «Biełaruśkalijem».
Na hetym fonie źjaviłasia infarmacyja ab mahčymaści prodažu Kierymavym pakieta ŭ 21,75% «Urałkalija».
Kierymaŭ źjaŭlajecca členam Rady Fiederacyi ad zakanadaŭčaha orhana Dahiestana, uvachodzić u skład kamiteta pa biudžecie i finansavych rynkach.
