Siońnia byŭ ahučany vyrak pa dyscyplinarnaj spravie ab rasisckich vykrykach i dziejańniach zaŭziataraŭ zbornaj Ukrainy na «Arenie-Lvoŭ» padčas matču hrupavoha adboru da mundyjala-2014 Ukraina — San-Maryna (6 vieraśnia 2013).
U rašeńni havorycca: «Nastupny matč adboru da mundyjala-2014 nacyjanalnaja zbornaja Ukrainy budzie hulać biez hledačoŭ (h.zn. matč suprać Polščy ŭ Charkavie) Taksama kamitet vyrašyŭ, što zbornaj Ukrainy budzie zabaroniena hulać na «Arenie-Lvoŭ» da kanca adboru čempijanatu śvietu-2018.
Taksama dyscyplinarny kamitet FIFA pastanaviŭ nakłaści na FFU štraf u pamiery 45 tysiač šviejcarskich frankaŭ (krychu mienš za 50 000 dalaraŭ ZŠA).
Dyscyplinarnaja sprava pa hetym pytańni była adkryta ŭ vyniku paviedamleńniaŭ arbitra matča i delehataŭ ab niekalkich incydentach, źviazanych z vykarystańniem piratechniki, ab najaŭnaści nieanacysckich ściahoŭ na trybunach, nacysckaha salutu i rasisckich vykazvańniach.
