Pra heta ŭ časie pryśviečanaj Dniu niezaležnaści Armenii pres‑kanferencyi paviedamiŭ pasoł hetaj krainy Aleh Jesajan.

Pavodle słovaŭ pasła, uzajemadačynieńni našych krainaŭ možna acharaktaryzavać jak siabroŭskija i plonnyja. Ahulny tavarazvarot u 2006 hodzie skłaŭ $24 młn. Ź ich $19,5 młn. składaje biełaruski ekspart u Armeniju. Takaja praporcyja skłałasia ciaham niekalkich apošnich hadoŭ. Miž inšym, Aleh Jesajan adznačyŭ, što ŭ sfery ekanomiki abiedźvie krainy majuć vializny patencyjał.

«Raźvićcio turyzmu moža dadatkova stymulavać hetyja pracesy i navat zakłaści padmurak novaha etapu ekanamičnaha supracoŭnictva» — padkreśliŭ pasoł.

Pakul ža stan turystyčnych suviaziaŭ miž Armenijaj Biełarusiaj nie najlepšy. Ciaham apošniaha letniaha sezonu ŭ hetuju kaŭkaskuju krainu na adpačynak vypravilisia ŭsiaho niekalki dziasiatkaŭ biełarusaŭ.

Najpierš, pavodle A. Jesajana, cikavaść u armianaŭ vyklikaje ciažkaja technika, što vypuskajecca ŭ Biełarusi. Pradukcyja žodzinskaha BiełAZu zapatrabavanaja ŭ horna‑zdabyvajučaj pramysłovaści Armenii. Adnak pavieličeńnie pastavak biełaruskich hruzavikoŭ pakul nie planujecca.

«Vy ž razumiejecie, što kuplać štohod BiełAZ nia stanieš», — patłumačyŭ pasoł Armenii.

Na dniach u Mahiloŭ naviedałasia delehacyja ź Jerevanu. Hości cikaviacca pradukcyjaj «Mahiloŭliftmašu». Intares niebiespadstaŭny — 30% liftoŭ, što chodziać u armianskich damach, vyrablenyja ŭ Mahilovie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?