Nasielnictva Biełarusi ŭ vieraśni pavialičyła kuplu valuty paśla taho, jak u žniŭni skaraciła abjomy jaje nabyćcia ŭ 1,5 razu ŭ paraŭnańni ź lipieniem. Ab hetym śviedčać statystyčnyja źviestki Nacyjanalnaha banka.
Fizičnyja asoby za vierasień pradali najaŭnaj i bieznajaŭnaj valuty na $726,2 młn. (za žnivień - $735,6 młn.) u ekvivalencie, kupili - $1 młrd. 58,1 młn. (za žnivień - $903,3 młn.). Takim čynam, čystaja kupla valuty skłała $331,9 młn. (u žniŭni - $167,7 młn.).
Ź lutaha da červienia fizičnyja asoby pradavali valuty bolš, čym kuplali. Źmianieńnie tendencyi letam ekśpierty tłumačyli ŭ tym liku siezonam adpačynkaŭ. U žniŭni pa miery zaviaršeńnia adpusknoha siezona skaraciłasia i kupla valuty fizičnymi asobami. Adnak u vieraśni tendencyja pieravyšeńnia kupli valuty nad prodažam viarnułasia.
