Prezident ZŠA Barak Abama admoviŭsia ad zapłanavanaj pajezdki pa krainach Paŭdniova-Uschodniaj Azii z-za biudžetnaha kryzisu. Zamiest jaho ŭ turne adpravicca dziaržsakratar Džon Kery.
U aŭtorak fiederalnyja ŭłady ZŠA adpravili bolš za 700 tysiač supracoŭnikaŭ dziaržustanoŭ u nieapłatnyja adpačynki z-za taho, što demakraty i respublikancy ŭ kanhresie nie zmahli pryjści da pahadnieńnia pa zakonaprajekcie ab biudžecie.
Napiaredadni Abama skaraciŭ prahramu turne, admianiŭšy vizity ŭ Małajziju i na Filipiny, a ciapier admoviŭsia i ad pajezdak u Bruniej i Indaneziju, dzie jon płanavaŭ ŭdzielničać u samicie ATES.
