Zdymki atrymanyja ź Mižnarodnaj kaśmičnaj stancyi.
Kab zachavać načny horad va ŭsich detalach, patrabujecca vialikaja ekspazicyja. Praz heta malunak padčas zdymki niepaźbiežna razmyvajecca, bo MKS pralataje nad horadam ź vielizarnaj chutkaściu zvyš 7 km/s. Jakasnyja zdymki kasmanaŭty navučylisia atrymlivać tolki paśla taho, jak na stancyi była ŭstalavanaja samarobnaja sistema sačeńnia, anałahičnaja hadzinnym miechanizmam, jakija ŭstaloŭvajucca na teleskopach.
Siarod zachavanych na fota haradoŭ nie tolki miehapolisy Paryž, Maskva i Ńju-Jork, ale i nievialikija harady.
Kasmanaŭty taksama zrabili zdymak stalicy Biełarusi i jaje navakolla. Na zdymku vyrazna bačnyja praśpiekt Niezaležnaści, asnoŭnyja vulicy i MKAD. U kadr akramia Minska trapili taksama Zasłaŭje, Smalavičy, Dziaržynsk i Nacyjanalny aeraport.
