Były premjer-ministr Vialikabrytanii Toni Błer staŭ kansultantam Ałbanii pa ŭstupleńni ŭ Jeŭrasajuz. Ab hetym piša The Independent.
Premjer-ministr Ałbanii Edzi Rama zajaviŭ, što Błer budzie «asabista i dobraachvotna» kansultavać urad Ałbanii. Pry hetym jon budzie vykarystoŭvać svoj «niezvyčajny dośvied i palityčnuju hienijalnaść» i nie budzie atrymlivać uznaharodžańnia.
Finansavańnie hrupy supracoŭnikaŭ, jakija buduć pracavać z Błeram, budzie rabicca ź mižnarodnych fondaŭ.
Na pres-kanfierencyi sam Błer zajaviŭ, što ŭstupleńnie ŭ ES źjaŭlajecca «pravilnym kirunkam» dla adnoj z samych biednych krain Jeŭropy.
Raniej Ałbanii admovili ŭ členstvie z-za niedastatkovaj baraćby z karupcyjaj i złačynnaściu.