Płat šturchaje, Łałand siadzić, fota gazetaby.com
Uradžency Kanady hałkipier Kievin Łałand i forvard Džef Płat, jakija vystupajuć u CHK «Dynama-Minsk», atrymali aficyjny dazvoł ad Mižnarodnaj fiederacyi chakieja (IICHF) vystupać za nacyjanalnuju zbornuju Biełarusi.
Adpaviednaje paćviardžeńnie ad IICHF było atrymana Fiederacyjaj chakieja Biełarusi 2 kastryčnika, paviedamlajecca na aficyjnym sajcie FCHRB.
Płat i Łałand atrymali biełaruskaje hramadzianstva ŭ śniežni 2011 hoda, adnak da hetaha času nie mahli hulać za nacyjanalnuju zbornuju Biełarusi.
Pavodle praviłaŭ Mižnarodnaj fiederacyi chakieja, kab atrymać prava vystupać za inšuju krainu, zamiežny hramadzianin pavinien nie tolki atrymać hramadzianstva, ale i bieśpierapynna adyhrać za kłub z hetaj krainy nie mienš jak dva hady (Łałand). A kali chakieist užo hulaŭ za zbornuju inšaj dziaržavy, to jamu treba adyhrać za kłub novaj krainy čatyry hady zapar (Płat — uładalnik załatoha miedala junijorskaha (da 18 hadoŭ) čempijanatu śvietu ŭ składzie zbornaj Kanady ŭ 2003 hodzie).
Pakolki Kievin Łałand vystupaje za «Dynama» sa žniŭnia 2011 hoda, a Džef Płat (bieśpierapynna) sa žniŭnia 2009-ha, to karancin dla ich skončyŭsia ŭ žniŭni 2013-ha.
