Alaksandr Łukašenka zaklikaje maksimalna zadziejničać pieravahi Adzinaj ekanamičnaj prastory.
«My razam budujem unikalnaje na postsavieckaj prastory ŭtvareńnie — Jeŭrazijski ekanamičny sajuz, jaki, viadoma ž, daść vialikija mahčymaści dla raźvićcia ekanomik našych dziaržaŭ. Nam nieabchodna maksimalna zadziejničać pieravahi Adzinaj ekanamičnaj prastory dla ŭmacavańnia ŭzajemavyhadnych adnosin pamiž našymi krainami», — skazaŭ Łukašenka ŭ čas pieramovaŭ z Nazarbajevym u Akordzie (Kazachstan).
Jon adznačyŭ, što vyrašeńniu hetaj zadačy budzie spryjać zaćviardžeńnie «Darožnaj karty» dvuchbakovaha handlova -ekanamičnaha supracoŭnictva na bližejšyja dva hady — 2014-2016. Hety kompleksny dakumient, skazaŭ Łukašenka, achoplivaje praktyčna ŭsie śfiery ŭzajemadziejańnia dźviuch krain.
«Niahledziačy na rost tavaraabarotu, u 2012 hodzie amal 10%, u hetym hodzie nazirajecca spad. Heta źviazana sa stanoviščam, u cełym, u suśvietnaj ekanomicy», — zaŭvažyŭ Nursułtan Nazarbajeŭ.
Pry hetym jon adznačyŭ, što stanoŭčy dośvied supracoŭnictva ŭ śfiery pramysłovaj kaapieracyi praciahvajecca. Pavodle jaho słoŭ, u Kazachstanie siońnia pracujuć 14 sumiesnych ź Biełaruśsiu pradpryjemstvaŭ.
