Fota AFP.
Vienhierskija studenty z univiersiteta horada Kapašvar praviali sieminar u spodnim u znak pratestu suprać novaha dres-koda, jaki z 1 kastryčnika ŭviało kiraŭnictva VNU. Pra heta piša vienhierskaje vydańnie Budapest Business Journal.
Studenty i adna vykładčyca praviali akcyju 3 kastryčnika.
Videazapis «hołaha sieminara» źjaviŭsia na telekanale Kapašvara Kapos Pont. Jak vynikaje z rolika, niekatoryja ŭdzielniki zaniatka rasparanulisia całkam.
U akcyi pratestu pryniali ŭdzieł 11 čałaviek. Uvajšoŭšy ŭ aŭdytoryju, jany raspranulisia da nižniaj bializny i praviali zaniatak, prykryŭšysia padručnikami.
Padstavaj dla akcyi stała novaje pradpisańnie kiraŭnictva univiersiteta Kapašvara. Zhodna z dakumientam, studentam i vykładčykam zabaroniena źjaŭlacca na terytoryi VNU ŭ karotkich spadnicach, šortach, sukienkach biez bretelek abo z hłybokim dekalte, a taksama ŭ słancach.
Akramia taho, pad zabaronaj apynulisia jarki makijaž, vialikija aksiesuary i parfuma z rezkim pacham. Mužčyny, zhodna z novymi praviłami, abaviazany źjaŭlacca ŭ navučalnaj ustanovie tolki ŭ ciomnych kaściumach, udakładniaje BBC News.
Rektar VNU zrabiŭ vyklučeńni tolki dla leta, kali ŭ haračyja dni na terytoryi ŭniviersiteta možna budzie nasić lohkuju vopratku.
Abhruntoŭvajučy praviadzieńnie akcyi studenty spasłalisia mienavita na hety punkt. Jany zajavili, što ŭ aŭdytoryi było nastolki horača, što im daviałosia raspranucca, adznačaje Agence France-Presse.
Ciapier navučency rychtujuć novuju akcyju: 7 kastryčnika jany źbirajucca pryjści na zaniatki ŭ słancach i plažnych ručnikach.
