Ź minułaha tydnia na ŭvachodzie ŭ hałoŭny korpus Bieraściejskaha dziaržaŭnaha univiersitetu adbyvajecca kantrol za jaho naviedvalnikami.
A mienavita, kožny student ci supracoŭnik univiersitetu pavinien pakazać dakumient, heta studenski bilet ci paśviedčańnie supracoŭnika, tolki jany dajuć prava ŭvajści va ŭniviersitet.
Jak mnie paviedamiŭ supracoŭnik achovy BrDU, zhodna z zahadam rektara, ciapier kali maješ dakumient — ty zojdzieš ŭ budynak, kali nie — to i dźviery univiersitetu na siońnia dla ciabie začynienyja. Kolki budzie dziejničać zahad — nieviadoma, ale ž pakul papiera z takim patrabavańniem visić, to i achova pavinna jaho vykonvać.
U suviazi z hetym pierad univiersitetam pastajanna trymajecca natoŭp, studenty i vykładčyki kapajucca ŭ svaich torbach u pošukach dakumientaŭ, albo molać achoŭcu chucieńka prapuścić, bo tyja spaźniajucca na pary.
Što cikava, takaja pravierka naładžana tolki ŭ hałoŭnym z 4 korpusaŭ univiersitetu i tolki ŭ adnoj navučalnaj ustanovie horada, i ŭžo nie ŭ pieršy raz.
Pierad prezidenckimi vybarami ci inšymi palityčnymi kampanijami źjaŭlajecca pierad uvachodam achoŭnik, jaki pilna viadzie pravierku. Čaho baicca kiraŭnictva univiersitetu, nieviadoma, ale, značyć, bajacca jość čaho.
