Respublikanskaje hramadskaje abjadnańnie «Tavarystva biełaruskaj škoły» (TBŠ) z metaj maralnaj padtrymki piedahohaŭ, jakija vykładajuć pa‑biełarusku, pravodzić konkursy «Biełaruski Nastaŭnik 2007 hoda Minska» i «Biełaruski Nastaŭnik 2007 hoda Minščyny».
U ich mohuć udzielničać piedahohi bazavych i siarednich škoł, daškolnych i pazaškolnych ustanovaŭ, licejaŭ, himnazij i kaledžaŭ Minska i Minskaj vobłaści sa stažam pracy nie mieniej za try hady.
Dla ŭdziełu ŭ adpaviednych konkursach najlepšyja nastaŭniki mohuć być rekamiendavanyja hramadskimi arhanizacyjami, baćkoŭskimi kamitetami, ustanovami adukacyi, hrupami baćkoŭ, nastaŭnikaŭ i navučencaŭ. Dla hetaha treba zapoŭnić śpiecyjalnuju ankietu-rekamiendacyju i dasłać da 30.11.2007 elektronnaj poštaj na adras [email protected], abo pa adrasie: 220029 Minsk, a/s 64.
Žury TBŠ da kanca 2007 hoda vyznačyć troch łaŭreataŭ konkursa i ŭručyć śpiecyjalnyja dypłomy i pryzy.
