Jak paviedamlaje «Forbes Ukraina», kiraŭnictva Ministerstva ahraranaj palityki i charčavańnia prapanavała kaleham ź Minekanamraźvićcia licenzavać impart małočnych praduktaŭ ź Biełarusi.

27 vieraśnia, pavodle źviestak vydańnia, na adras hetaha ministerstva byŭ adpraŭleny list za podpisam pieršaha namieśnika ministra ahrarnaj palityki i charčvańnia Juryja Bisiuka, u jakim skazana: «Z metaj abarony nacyjanalnaha tavaravytvorcy <…> była ŭniesienaja prapanova Minekanamraźvićcia Ukrainy razhledzieć pytańnie ab mahčymaści prymianieńnia licenzavańnia na impart niekatorych tavaraŭ hrupy 04 (małako i małočnyja pradukty) na hety hod». 

Takim čynam Ministerstva ahrarnaj palityki i charčavańnia adreahavała na skarhi Dziaržceninśpiekcyi i Sajuza małočnych pradpryjemstvaŭ, jakija ŭ svaich listach prasili zrabić zachady dla abmiežavańnia impartu biełaruskaj małočnaj pradukcyi, paviedamlaje «Forbes Ukraina».

Za vosiem miesiacaŭ 2013 hoda va Ukrainu ź Biełarusi ŭvieziena 12.530 ton małakapraduktaŭ na ahulnuju sumu 27 młn. dołaraŭ.

Heta bolš, čym było pastaŭlena z krainy za ŭvieś minuły hod: na 4% — u kolkasnym vyražeńni i na 10% — u hrašovym. Naprykład, pastaŭki małaka i viarškoŭ pavialičylisia ŭ paraŭnańni sa studzieniem—žniŭniem 2012 hoda ŭ 3,3 razu; johurtu, kiefiru i inšaj kisłamałočnaj pradukcyi — u 3,5 razu; syru i tvarahu — bolš čym u 4 razy.

«Pavodle našych acenak, abjom nielehalnaha impartu ź Biełarusi — u dva-try razy bolšy», — cytuje vydańnie prezidenta Asacyjacyi vytvorcaŭ małaka Andreja Dzikuna.

Pavodle jaho słoŭ, na masavyja «šeryja» pastaŭki z susiedniaj krainy ŭkazvaje dysbałans pamiž jaŭnaj kolkaściu hetych praduktaŭ u roźnicy i dekłaravanymi abjomami impartu.

Biełaruskija pradukty, jakija va Ukrainie jašče hod tamu masava pradavalisia ŭ adnajmiennych kijoskach-mahazinach, zaraz možna ŭbačyć i na palicach u bujnych handlovych sietkach. Samyja pradavanyja biełaruskija małočnyja marki va Ukrainie — «Savuškaŭ pradukt», «Babulin hładyš», «Mazyrskija małočnyja pradukty».

Ideju abmiežavańnia pastavak małočnaj pradukcyi ź Biełarusi padtrymlivajuć vytvorcy i ahrarnyja łabisty, zaznačyŭ Dzikun. «Pakolki razmova idzie pra subsidavany impart, my dumali inicyjavać antydempinhavaje rasśledavańnie, — skazaŭ jon. — Takich precedentaŭ u našym ahrasiektary jašče nie było».

Adnak miechanizmy abarony, prapisanyja ŭ zakonie «Ab abaronie nacyjanalnaha tavaravytvorcy ad subsidavańnia impartu», pahražajuć zaciahnuć hetuju praceduru na doŭhi termin — kala dvuch hadoŭ, dadaje ekśpiert.

Jašče adzin varyjant abarony — kvatavańnie.

«Z takoj prapanovaj my źviarnulisia da prezidenta i ŭ ekanamičnyja viedamstvy ŭrada», — paviedamiŭ Dzikun. Na jaho dumku, abjom kvoty na impart biełaruskaj małočnaj pradukcyi pavinien być ustanoŭleny na «minimalna mahčymym» uzroŭni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?