Biełaruskaja hrupa kampanij «Alutech», padkantrolnaja miljanieru Alaksieju Žukavu, nabyła niamieckuju kampaniju Günther-Tore - vytvorcy siekcyjnych i rułonnych varot.
Damova była padpisanaja 30 vieraśnia.
Kampanija Günther-Tore prysutničaje na zachodniejeŭrapiejskim rynku bolš za 40 hadoŭ. Jana viadomaja jak vytvorca pramysłovych varot dla vialikich i vielmi vialikich prajomaŭ.
U 1972 hodzie kampanija była zaniesiena ŭ Knihu rekordaŭ Hiniesa jak vytvorca samych vialikich rułonnych varot u śviecie - płoščaj 700 m2.
Jak adznačajuć u «Alutechu», nabyćcio hałaŭnoha zavoda kampanii Günther-Tore kala Frankfurta-na-Majnie dazvolić chołdynhu stvaryć dadatkovy rezierv vytvorčych mahutnaściaŭ.
«Alutech» taksama nabyŭ kantrol nad zbytavaj sietkaj Günther-Tore, jakaja ŭklučaje ŭ siabie kampanii ŭ Francyi, Hiermanii, Aŭstryi.
