Siońnia Viarchoŭny Sud admoviŭ pakul nie zarehistravanamu ruchu «Za Svabodu» ŭ skarzie na dziejańni Miniustu.

Nahadajem, raniej Ministerstva justycyi admoviła RPHA «Ruch «Za Svabodu»» ŭ rehistracyi na padstavie taho, što «asobnyja pałažeńni statutu nie adpaviadajuć zakonu», a dziaržmyta apłačanaje nie ŭ respublikanski, a ŭ miascovy biudžet. Siońnia Viarchoŭny Sud «paćvierdziŭ zakonnaść rašeńnia Miniustu ab admovie ŭ rehistracyi». Dziaržmyta, apłačanaje ŭ miascovy biudžet, pavodle sudu «nia maje pravavoha sensu».

Jak zajaviŭ namieśnik staršyni ruchu Juraś Hubarevič, niahledziačy na biurakratyčnyja pieraškody, ruch «Za Svabodu» praciahnie praceduru rehistracyi. Siońnia buduć padadzieny dakumienty na rehistracyju novaha abjadnańnia — PAHA (pravaabaronča-aśvietnickaha hramadzkaha abjadnańnia) «Ruch “Za Svabodu”», jakoje adroźnivajecca jurydyčnym adrasam i składam stvaralnikaŭ.

11 vieraśnia Miniust viarnuŭ dakumenty na rehistracyju abiadnańnia biez razhladu, skazaŭšy, što «heta taja samaja arhanizacyja».

Pavodle słoŭ Hubareviča, pry afarmleńni dakumentaŭ na rehistracyju nie było zroblena krytyčnych pamyłak, a sama pracedura afarmleńnia davoli ciažkaja nia tolki z‑za błytaniny ŭ zakanadaŭstvie, ale i niežadańnia čynoŭnikaŭ dapamahać.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?