Urad Biełarusi skarocić biudžetnyja raschody z-za niedapastupleńnia dachodaŭ.
Ab hetym išła razmova 9 kastryčnika na naradzie ŭ Prezidenta Biełarusi Alaksandra Łukašenki ab biahučych pytańniach sacyjalna-ekanamičnaha raźvićcia krainy.
Kiraŭniki ŭrada i Nacyjanalnaha banka prainfarmavali Łukašenku ab asnoŭnych padychodach u śfiery sacyjalna-ekanamičnaha raźvićcia na kaniec hetaha i 2014 hod. U ich asnovie lažyć zbałansavanaje raźvićcio, metazhodnaje kredytavańnie ekanomiki i jakasny rost. Prezident padtrymaŭ nazvanyja padychody i adznačyŭ, što adkaznaść za vyniki ažyćciaŭleńnia hetaj prahramy lažyć na ŭradzie i Nacyjanalnym banku.
Kiraŭniku dziaržavy taksama byli paviedamlenyja čakanyja vyniki vykanańnia biudžetu 2013 hoda i padychody pa farmiravańni biudžetu nastupnaha hoda. Jak było adznačana, za košt paharšeńnia źniešniaj kanjunktury rynku adbyvajecca istotnaje niedapastupleńnie dachodaŭ u respublikanski biudžet. Tamu ŭrad skarekciravaŭ biudžetnuju palityku da kanca biahučaha hoda i prapanavaŭ uvieści šerah abmiežavańniaŭ pa finansavańniu raschodaŭ. Adnak hetyja abmiežavańni nie zakranuć pieršačarhovych płaciažoŭ, źviazanych z padtrymańniem žyćciovaha ŭzroŭniu nasielnictva, z funkcyjanavańniem samoj biudžetnaj śfiery.
Strohija padychody, jakija byli prapanavany ŭ ramkach biudžetnaj karekciroŭki, padtrymany kiraŭnikom dziaržavy. Alaksandr Łukašenka ŭkazaŭ na nieabchodnaść paŭsiudnaj ekanomii, bolšaj efiektyŭnaści i addačy ad biudžetnych srodkaŭ.
Prajekt biudžetu na 2014 hod budzie ŭ bližejšy čas uniesieny na razhlad Łukašenki.
