Rasija moža prymianić sankcyi da Ukrainy ŭ vypadku adnabakovaha pierahladu hazavaha kantraktu, papiaredziła pres-sakratar rasijskaha premjera Natalla Cimakova.
«Lubyja sproby pierahledzieć isnujučyja hazavyja kantrakty pamiž Rasijaj i Ukrainaj buduć mieć całkam vidavočnyja jurydyčnyja nastupstvy. Našym ukrainskim partnioram, pierš čym rabić takija zajavy, nieabchodna ŭličyć, što ŭ vypadku adnabakovaha pierahladu ŭmoŭ kantraktu mahčyma prymianieńnie sankcyj», — skazała Cimakova.
Raniej u čaćvier premjer-ministr Ukrainy Mikałaj Azaraŭ zajaviŭ, što Kijeŭ praciahnie skaračać impart rasijskaha hazu, a ŭ pierśpiektyvie naohuł nie stanie kuplać jaho, kali dziejučy kantrakt nie budzie pierahledžany.
Pavodle słoŭ Cimakovaj, pahrozy Ukrainy ab mahčymym spynieńni impartu rasijskaha hazu vyhladajuć niepierakanaŭča i niekarektna.
Ukrainski premjer, u svaju čarhu, zapeŭniŭ, što kali «Hazprom» padaść na Ukrainu ŭ mižnarodny sud za adnabakovy vychad z damoŭlenaściej, Kijeŭ hatovy adstojvać svaju racyju.
