Denis Mukviehie. Fota AFP.
Małała Jusufzaj. Fota Reuters.
Aleś Bialacki.
Siońnia Nobieleŭski kamitet nazavie łaŭreata premii miru. Imia, abo nazva arhanizacyi, stanie viadoma a 12-j hadzinie pavodle minskaha času.
Pramaja tranślacyja budzie arhanizavana na sajcie Nobieleŭskaj premii.
Za apošni dzień siarod bukmiekieraŭ na pieršaje miesca vyrvaŭsia doktar-hiniekołah z Demakratyčnaj Respubliki Konha (były Zair) Denis Mukvjehie (Denis Mukwege) — zasnavalnik balnicy dla achviaraŭ seksualnaha hvałtu.
U kastryčniku 2012 h. u jaho kvateru ŭvarvalisia ŭzbrojenyja ludzi, jakija ŭziali ŭ zakładniki žonku i dačok Mukviehie, a paśla jaho prychodu dadomu pasprabavali zastrelić i samoha doktara Mukviehie i jaho siamju vyratavaŭ achoŭnik, jaki pryjšoŭ na dapamohu. Achoŭnik byŭ zabity, ale vymusiŭ napadnikaŭ źbiehčy.
Vysoka aceńvajucca šancy i mužnaj 15-hadovaj pakistanskaj školnicy Małały Jusufzaj, jakaja ŭčora atrymała premiju Jeŭraparłamienta «Za svabody dumki». Šancy biełaruskaha pravaabaroncy Alesia Bialackaha rasceńvajucca, jak 1 da 99.
Šancy Edvarda Snoŭdena bukmiekiery aceńvajuć jak 1 da 9, Demakratyčnaha hołasa Birmy - 1 da 11.
Zrešty i bukmiekiery mohuć pamylacca.
Nahadajem, raniej premiju ŭ halinie litaratury jany davali Charuki Murakami (jaki byŭ ćviordym favarytam honki), zatym učora rezka vyraśli šancy biełaruskaj piśmieńnicy Śviatłany Aleksijevič, a premiju ŭrešcie prysudzili kanadskaj piśmieńnicy Elis Manro.
