11 kastryčnika padčas III Mižnarodnaha Kanhresu daśledčykaŭ Biełarusi ŭ Kaŭnasie abmiarkoŭvali prablemy i vykliki sučasnaj Biełarusi.

Kandydat ekanamičnych navuk, dacent Biełaruskaha dziaržaŭnaha ekanamičnaha ŭniviersiteta Uładzimir Papłyka ŭ svaim vystupie «Tendencyi ŭ pramysłovaści Biełarusi» śćviardžaje, što ŭ ekanomicy Biełarusi z 1990 hoda nazirajucca rehresiŭnyja tendencyi.

Daśledčyk paviedamiŭ, što žadaŭ praanalizavać efiektyŭnaść ekanomiki Biełarusi ŭ jakasnym vymiareńni. Dla hetaha jon praanalizavaŭ statystyku zaniataści ŭ troch siektarach ekanomiki, zhurtavanych pavodle charaktaru kaniečnaha praduktu: syravinnaj (jakaja zajmajecca zdabyčaj karysnych vykapniaŭ i vyrabnictvam syraviny), materyjalnaj (jakaja vypuskaje materyjały sa zdabytaj syraviny) i pramysłovaści kaniečnaj apracoŭki i sborki (jakaja vypuskaje składanyja pradukty: mašynabudaŭnictva, aptyčnaja, elektronnaja pramysłovaść i h.d.).

Pavodle dadzienych Papłyki, z 90-ch hadoŭ zaniataść u I typie pramysłovaści amal nie źmianiłasia, bo zdabyča syraviny ŭ Biełarusi zastajecca na dastatkova stabilnym uzroŭni. A zaniataść u II typie pramysłovaści pavialičyłasia na 2%. U toj samy čas III typ pramysłovaści straciŭ 2% rabotnikaŭ.

«Pramysłovaść Biełarusi raźvivałasia, jak i ŭ luboj industryjalnaj krainie: ad syravinnaj, da vytvorčaści materyjałaŭ i dalej da daskanałych typaŭ vytvorčaści. Adnak u Biełarusi z 1990 hoda my bačym pavarot nazad, da ekanomiki III typu. Toje samaje bačna i ŭ struktury inviestycyj. Jany pavialičvajucca ŭ syravinnyja vidy vytvorčaści i pamianšajucca ŭ pramysłovaść II typu. A inviestycyi ŭ III typ pramysłovaści zastajucca na dastatkova nievialikim uzroŭni.

Miž tym ekanomiki krain z vysokim uzroŭniem žyćcia, hrafik budzie ŭsio bolš i bolš kiravacca ŭ bok III typu, što charakterna dla postindustryjalnaha stanu ekanomiki. Taki pavarot — tryvožny znak dla ekanomiki Biełarusi», — paviedamiŭ jon.

 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?