Hančarenka padčas matču z «Valensijaj» 23 kastryčnika 2012 h., fota Siarhieja Hudzilina.

Hančarenka padčas matču z «Valensijaj» 23 kastryčnika 2012 h., fota Siarhieja Hudzilina.

Viktar Hančarenka ŭ redakcyi «Našaj Nivy» 1 vieraśnia 2008 h., fota Julii Daraškievič.

Viktar Hančarenka ŭ redakcyi «Našaj Nivy» 1 vieraśnia 2008 h., fota Julii Daraškievič.

BATE abviaściŭ pra skasavańnie kantraktu z hałoŭnym trenieram Viktaram Hančarenkam, paviedamlaje aficyjny sajt barysaŭčan.

«Viktar Hančarenka, samy paśpiachovy trenier u historyi FK BATE, skłaŭ ź siabie paŭnamoctvy styrnavoha «žoŭta-sinich». Viktaru Michajłaviču pastupiła prapanova ad kłuba rasijskaha najmacniejšaha dyvizijona krasnadarskaj «Kubani», jakaja praciahvaje vystupy ŭ Lizie Jeŭropy. Kiraŭnictva FK BATE pajšło nasustrač šmathadovamu nastaŭniku kamandy ŭ žadańni pasprabavać siabie na bolš vysokim uzroŭni. Naš kłub vykazvaje Viktaru Michajłaviču vialikuju ŭdziačnaść za ŭsio, što jamu ŭdałosia zrabić dla BATE, i žadaje pośpiechaŭ na novym pracoŭnym miescy!» — havorycca ŭ zajavie BATE.

Nahadajem, pra sychod Hančarenki ŭ «Kubań» stała viadoma siońnia. Pavodle infarmacyi Goals.by, śpiecyjalist u niadzielu adpravicca ŭ novy kłub.

Hubiernatar Krasnadarskaha kraja, prezident «Kubani» Alaksandr Tkačoŭ paviedamiŭ u svaim tvitary, što kantrakt z Hančarenkam padpisany na 4,5 hoda.

U trenierski štab «Kubani» ŭvojdzie eks-trenier BATE i eks-hałoŭny trenier «Minska» Vadzim Skrypčanka, jaki ŭžo skasavaŭ kantrakt z «haradžanami».

U subotu Leanid Istrydzi, ahient rumynskaha treniera Darynieła Muncianu, abviaściŭ, što ź jaho padapiečnym FK «Kubań» užo spyniŭ kantrakt.

Novym hałoŭnym trenieram BATE stanie Alaksandr Jermakovič.

«Kubań» u rasijskaj premjer-lizie zajmaje 10-y radok, majučy paśla 12 turaŭ 14 punktaŭ (u susiedziaŭ čempijanat prachodzić pa sistemie vosień-viasna).

Vystupaje «Kubań» u hrupavym turniry Lihi Jeŭropy ŭ adnoj hrupie z anhlijskim «Suonsi», šviejcarskim «Sankt-Halenam», ispanskaj «Valensijaj». Praŭda, u dvuch turach kamanda paciarpieła dźvie parazy.

Viktar Hančarenka (1977 h.n.) staŭ hałoŭnym trenieram BATE u listapadzie 2007 h. (dahetul hulaŭ za kłub, čempijon krainy ŭ 1999 i 2002 hh., pracavaŭ trenieram), piać razoŭ zavajoŭvaŭ z BATE załatyja miedali čempijanatu Biełarusi (2008, 2009, 2010, 2011, 2012), vyjhravaŭ Kubak i Supierkubak Biełarusi. Pry jaho kiraŭnictvie kłub upieršyniu prabiŭsia ŭ hrupavy turnir Lihi čempijonaŭ (2008), piać siezonaŭ vystupaŭ u hrupavych turnirach jeŭrakubkaŭ.

Клас
Панылы сорам
Ха-ха
Ого
Сумна
Абуральна