Asablivaściu III Mižnarodnaha Kanhresa daśledčykaŭ Biełarusi stała zasnavanaja sioleta premija aŭtaru najlepšaj navukovaj publikacyi.

Premija ŭručajecca ŭ troch naminacyjach: sacyjalnyja navuki (palityčnyja navuki, sacyjałohija), humanitarnyja navuki (fiłasofija, fiłałohija, linhvistyka, mastactvaznaŭstva) i historyja.

Premiju za najlepšuju navukovuju publikacyju pa historyi atrymaŭ Dzianis Lisiejčykaŭ za manahrafiju «Štodzionnaje žyćcio ŭnijackaha parafijalnaha śviatara biełaruska-litoŭskich ziamiel 1720–1839 hh.». Premiju ŭručaŭ Aleś Smalančuk. 

Premiju za anjlepšuju publikacyju pa humanitarnych navukach atrymaŭ Ihar Zaprudski za zbornik artykułaŭ «Pa darozie na Parnas: atrybucyjnyja daśledavańni i pytańni recepcyi biełaruskaj litaratury XIX st.». Uručaŭ premiju prafiesar Harvardskaha ŭniviersiteta Kurt Vułchajzier. 

Najlepšaj pracaj pa sacyjalnych i palityčnych navukach staŭ tekst Iryny Łašuk i Aksany Šelest «Simvaličnaje i kamunikatyŭnaje vymiareńnie moŭnych praktyk biełaruskich palakaŭ». Premiju ŭručaŭ Andrej Kazakievič.

U hetym hodzie cyrymoniju pravodzili Alaksiej Łastoŭski i Ihar Babkoŭ. Pieramožcy atrymali hanarovuju hramatu, kryštalovuju statuetku i hrašovy pryz. Jaho pamier nie razhałošvajecca, adnak viadoŭcy cyrymonii paviedamili, što «heta dastatkova značnaja suma, asabliva dla daśledčyka ź Biełarusi». 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?