Adzin z pastajannych hierojaŭ znakamitaj prahramy — Mišutka — u subotnim vypusku abviaściŭ lažačy strajk. Stvaralniki pieradačy kažuć, što šukać palityčny padtekst u hetaj prahramie nie varta.
U apošniaj prahramie «Spokojnoj noči, małyši» Mišutka abjaŭlaje akcyju pratestu - lažačy strajk suprać niedružalubnaha da jaho staŭleńnia Ściapaški. «Vy jašče ŭsie, usie daviedajeciesia, što takoje akcyja pratestu», — kaža jon.
Viadučaj prahramy Aksanie Fiodaravaj prychodzicca tłumačyć Ściapašku, što takoje «akcyja pratestu»: «kali chtości z čymści nie zhodny i pačynaje pratestavać». Paśla hetaha jana prapanuje pravieści svaju akcyju - «pro tiesto» i zaklikaje Ściapašku i Mišutku razam lapić piražki.
U intervju «Echo Moskvy» kiraŭnik pres-słužby prahramy Jaŭhienija Chłudziancova skazała, što hetaja pieradača nie mieła na ŭvazie «nijakaha schavanaha sensu» i «nie maje palityčnaha padtekstu».
