U maskoŭskim rajonie Zachodniaje Birulova ŭdzielniki narodnaha schodu, vyklikanaha zabojstvam maładoha čałavieka 10 kastryčnika, ździejśnienym, jak miarkujecca, vychadcam z Kaŭkaza, uziali šturmam handlovy centr.

Małady čałaviek, jak śćviardžajecca, zastupiŭsia za svaju dziaŭčynu, zreahavaŭšy na abrazy, atrymaŭ udar nažom i pamior na rukach dziaŭčyny. Napadnik źbieh.

Siońnia ŭ Birulovie adbyŭsia narodny schod, skiravany suprać mihrantaŭ.

Jon zaviaršyŭsia pahromam handlovaha centra «Biruza», uźviadzieńniem barykad i sutyknieńniami z bajcami AMAPa.

Natoŭp, u jakim byli nacyjanalisty, futbolnyja fanaty i miascovyja žychary, kinuŭsia na «Biruzu» z krykami «Rasija dla ruskich!» i «Ruskija, napierad!»

Zatym prysutnyja pasprabavali adbić u AMAPa zatrymanych udzielnikaŭ akcyi. Kolkaść pratestoŭcaŭ pavialičyłasia.

Paśla ŭdzielniki ŭziali aficeraŭ palicyi ŭ koła, abvinavačvajučy ich u tym, što jany nie prymajuć mier suprać mihrantaŭ.

Pavodle roznych acenak, ad tysiačy da troch tysiač pratestoŭcaŭ rušyli pa šašy da bazy aharodniny, u ich z saboj kanistry ź bienzinam.

AMAP sprabavaŭ spynić natoŭp, ale ludzi pajšli ŭ abchod.

18:10

Pratestoŭcy prarvalisia na aharodninnuju bazu. Dziasiatki čałaviek złamali bramu, pačali hramić šapiki. Palicyi na miescy amal niama. Budynak razhromleny

18:40

Asabisty skład maskoŭskaj palicyi uźniaty pa tryvozie. Kiraŭnik MUS Uładzimir Kałakolcaŭ uvioŭ płan «Vułkan».

«Heta praduhledžvaje prybyćcio asabistaha składu da miescaŭ prachodžańnia słužby dla praduchileńnia mahčymych supraćpraŭnych dziejańniaŭ», - paviedamlaje pres-centr MUS.

U pres-słužbie staličnaha hłaŭka MUS kažuć, što ŭ Paŭdniovuju administracyjnuju akruhu Maskvy nakiravany dadatkovyja siły palicyi.

19:01

Palicyja pierakryła Maniežnuju płošču ŭ Maskvie.

19:35

Kala 200 čałaviek zatrymanyja za parušeńnie hramadskaha paradku na poŭdni Maskvy. Dva aŭtazaki z zatrymanymi adjechali ad aharodninnaj bazy, dzie byŭ učynieny pahrom. U palicyi paviedamili, što ŭ Paŭnočna-Uschodniaj akruzie byli taksama zatrymanyja 60 čałaviek.

20:53

Palicyja zdoleła vyśvietlić asoby niekalkich čałaviek, jakija majuć dačynieńnie da zabojstva žychara Birulova Jahora Ščarbakova, hibiel jakoha spravakavała ŭ rajonie masavyja biesparadki.

Adnaho z padazravanych ciapier užo sprabujuć zatrymać. Aficyjna palicyja hetuju infarmacyju pakul nie paćvierdziła.

Pa fakcie biesparadkaŭ raspačata sprava ab chulihanstvie, fihurantam jakoha pahražaje da siami hadoŭ pazbaŭleńnia voli. Zatrymana 250 čałaviek.

22:30

Kolkaść zatrymanych za supraćpraŭnyja dziejańni ŭ rajonie Birulova na poŭdni Maskvy vyraśli da 380 čałaviek, pieradaje RIA «Novosti» sa spasyłkaj na palicyju stalicy.

Tym časam na Vostrakaŭskim prajeździe ŭ Birulovie praciahvajucca biesparadki, hrupa ahresiŭna nastrojenych maładych ludziej bje mašyny.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?