Geometria.ru
12 kastryčnika ŭ vyniku insultu pajšła z žyćcia Naścia Bruśnikina, paviedamlaje sajt Geometria.ru
Raźvitańnie z Naściaj Bruśnikinaj adbudziecca ŭ aŭtorak, 15 kastryčnika, u žałobnym zale pa adrasie Daŭhinaŭski trakt, 160A, pasiołak Navinki, u 10:00.
U 2010 hodzie Naścia stała kiraŭnikom i chareohrafam minskaha tancavalnaha šou «All Inclusive».
U jaje zastałasia maleńkaja dačka.
«Nasta była vydatnym, jaskravym čałaviekam, – kaža siabar tancorki Dzianis Ivanoŭ. – Jaje šou zaŭždy byli zapaminalnymi.
Jak kazaŭ niechta ź siabroŭ, u žyćci jana była vielmi spakojnaj, adnak na scenie pieraŭtvarałasia ŭ tyhrycu. Nakolki mnie viadoma, u jaje byli niaprostyja adnosiny z baćkami».
«U śviecie tancaŭ kažuć albo «vydatny tancor», albo nie kažuć ničoha, — raskazvaje tancor Siarhiej Šantar. — My bačylisia na vystupach u roznych kłubach, publiku ŭražvała jaje majsterstva. Nu i łahična, što kali žančyna naradžaje, jana ŭ 70% vypadkaŭ pierastaje tancavać... A zachavać i dušu i cieła maładym i praciahvać paśla rodaŭ šykoŭna ruchacca — voś heta darahoha vartaje».
