Viadomy rasijski spartyŭny žurnalist Vasil Utkin vykazaŭsia adnosna pierachodu Viktara Hančarenki ŭ krasnadarskuju «Kubań».
«Tak, ja liču Hančarenku trenieram pieraacenienym. U tym liku tamu, što jon dosyć doŭha nie prymaŭ vykliku na novym uzroŭni, a mienavita ŭ čempijanacie Rasii. Ale ciapier jon taki vyklik pryniaŭ. Maja raniejšaja acenka svajo adsłužyła, budziem hladzieć dalej.
Apošniaje. Ja nie viedaju, chto takija biełarusy. Ja nie baču nijakaj roźnicy pamiž biełarusami i ruskimi. I ukraincami taksama, darečy. Moža być, heta kahości kranaje, ale ja liču, što my adzin narod. Pryčym padkreślu: nie toje, što my typu ruskija, a vy małodšyja braty i niepaźbiežna z nami - nie. Ja mienavita liču, što my adzin narod. Biez starejšych i małodšych bratoŭ. Dla mianie etnonim «biełarusy» hetak ža hučny, jak i, naprykład, «vałahodcy». Abo «kuranie».
Ja navat na słovie «ruskija» nie nastojvaju - ličycie, što ja liču siabie i ŭkraincam, i biełarusam adnačasova. Nam nie pozna heta pierahledzieć, my zaraz toj narod, u jaki zapisvajucca.
Na bulbasračy i chochłasračy mnie plavać, heta tema dla kamientaŭ…
Vy končanyja pravincyjały. Pryčym nie zaležyć, biełarusy, čukčy abo šorcy. Vioska vy, razumiejecie?:) I ŭ vas svaje viaskovyja hieroi, jakija hulajuć dva matčy raz u try hady, i hetaha dastatkova.
Tamu, što heta viaskovyja krytery. Ciapier tak ža ŭ Karahandzie. Tak było b u Vołahdzie kali b była zasnavanaja Vałahodskaja Impieryja:) Heta pravincyjalizm, dzieravienščyna, tut nul nacyjanalnaści. Prydumali sabie Betmena! A trenier niadrenny, para pravieryć siabie na novym uzroŭni, pryčym daŭno. Ale nie Betmen:)» - napisaŭ Utkin ŭ svajoj kanfierencyi na sports.ru.