Bolš za pałovu ŭsich maładych nie zajmajucca seksam u pieršuju šlubnuju noč, vyśvietlili daśledniki. A samaj raspaŭsiudžanaj pryčynaj hetaha źjaŭlajecca mocnaje apjanieńnie žanicha.
Dzień viasiella i pieršaja šlubnaja noč pa idei pavinny stać samymi ščaślivymi i zapaminalnymi imhnieńniami žyćcia. Ale apytańnie, praviedzienaje brytanskimi sacyjołahami siarod 2128 maładych roznych uzrostaŭ, pakazaŭ, što ŭ 52% u pieršuju noč paśla viasiella zaniatkaŭ kachańniem nie adbyvajecca.
U 25 % vypadkaŭ heta zdarajecca z-za apjanieńnia žanicha, a ŭ 13 % napivajecca niaviesta.
Siarod inšych raspaŭsiudžanych pryčyn nazyvałasia stomlenaść niaviesty (16 %), a taksama svarka, jakaja paśpieła adbycca ŭ dzień viasiella na ŭračystym pryjomie (9%).
Pry hetym u 17% (!) maładych seksu nie byvaje nie tolki ŭ pieršuju, ale i ŭ nastupnyja niekalki načej. 11% apytanych paskardzilisia na toje, što im treba pryhladać za dziećmi, i heta pieraškadžaje vykanańniu šlubnych abaviazkaŭ, 9% marnujuć pieršuju šlubnuju noč na pierajezd (jany adpraŭlajucca ŭ viasielnie padarožža), a 7 % naohuł addajuć pieravahu nie spać, a viesialicca z haściami da samaj ranicy.
«Nieabchodnaść zajmacca seksam u pieršuju šlubnuju noč, jakaja zdavałasia čymści nakštałt śviaščennaha rytuału jašče zusim niadaŭna, siońnia ŭžo nie razhladajecca ŭ takoj jakaści maładymi, — kaža pradstaŭnik kampanii Voucher Codes Pro, jakaja zamoviła apytańnie. — Mahčyma, stres z-za doŭhaj padrychtoŭki da viasiella hraje svaju rolu.
Akramia taho, kali ŭ staradaŭnija časy niaviesty zachoŭvali cnatlivaść da viasiella, i pieršaja šlubnaja noč stanaviłasia pieršym seksualnym kantaktam maładych, to siońnia pary žyvuć razam hadami, pierš čym ažanicca, i jany ŭžo paśpiavajuć trochi stamicca adzin ad adnaho ŭ łožku, tak što hetaja noč nie zdajecca im čymści niezvyčajnym».