fota ź Vikipiedyi

fota ź Vikipiedyi

Siońnia staršynia Parłamienckaj Asamblei ABSIE pryznačyŭ šviedskaha deputata Kryścijana Cholma staršynioj śpiecyjalnaj rabočaj hrupy pa Biełarusi Parłamienckaj asamblei ABSIE.

Raniej hetuju pasadu zajmała niamieckaja deputatka Uta Capf.

«My budziem praciahvać pracu dziela volnaj, demakratyčnaj i adkrytaj Biełarusi!» — napisaŭ Kryścijan Cholm na svajoj staroncy ŭ Fejsbuku.

Kryścijan Cholm raspavioŭ: «Ja byŭ u hrupie pa Biełarusi niekalki hadoŭ. Ja dumaju, my budziem praciahvać rabić toje, što i raniej. Viadoma, ja budu imknucca palepšyć pracu pracoŭnaj hrupy pa Biełarusi. Budziem supracoŭničać jak z pradstaŭnikami aficyjnaha parłamienta, tak i ź biełaruskaj apazicyjaj, hramadzianskaj supolnaściu i pravaabarončymi arhanizacyjami.

Pasprabujem pačać dyjałoh z uładami, kab adkryć ofis ABSIE ŭ Minsku, kab jašče efiektyŭniej praciahvać pracu dla demakratyčnaha prahresu ŭ krainie. My chočam bačyć Biełaruś adkrytaj demakratyčnaj krainaj».

Kryścijan Cholm spadziajecca naviedać Biełaruś užo nieŭzabavie: «Novaje pryznačeńnie daść mnie bolš mahčymaściaŭ u dziejnaści na karyść Biełarusi, i, ja spadziajusia, paśla doŭhaha pierapynku ja budu znoŭ mieć mahčymaść naviedać hetuju krainu».

Kryścijan Cholm naradziŭsia 22 lipienia 1976 hoda, žyvie ŭ Karłstadzie. Padčas vybaraŭ 2006 hoda abrany deputatam šviedskaha parłamienta ad partyi «Maderaterna».

Raniej zajmaŭ pasadu vice-prezidenta i mižnarodnaha sakratara Sajuza moładzi maderataŭ, a taksama namieśnika staršyni moładzi Jeŭrapiejskaj narodnaj partyi (YEPP).

Viasnoj 2006 hoda Kryścijan Cholm u jakaści vice-prezidenta Sajuza moładzi maderataŭ naviedvaŭ Biełaruś.

Razam ź jašče čatyrma adnapartyjcami byŭ zatrymany i dapytany supracoŭnikami milicyi i KDB u Hrodnie.

Kryścijan Cholm nie raz byvaŭ u Biełarusi ŭ ramkach parłamienckich delehacyj naziralnikaŭ na vybarach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?