14 kastryčnika ŭ MNS pastupiła paviedamleńnie ab pažary ŭ vioscy Rohiń Buda-Kašaloŭskaha rajona — hareŭ žyły dom.

Pažar byŭ likvidavany, a ŭ domie byŭ znojdzieny trup chłopčyka, vučnia šostaha kłasa.

U domie žyli baćka, maci i dvoje dziaciej — dziaŭčynka-siamikłaśnica i chłopčyk-šaścikłaśnik. Siamja, pavodle słoŭ susiedziaŭ, charaktaryzujecca stanoŭča. Na momant pažaru ŭ domie znachodzilisia dačka i syn. Baćka byŭ na pracy, maci — u Homieli na ŭračystym kancercie, pryśviečanym Dniu maci.

Pavodle słoŭ dziaŭčynki (znachodzicca ŭ šokavym stanie), na momant uźniknieńnia pažaru jana rabiła ŭroki ŭ svaim pakoi, a brat znachodziŭsia ŭ kacielnaj, raspalvaŭ aciaplalny kacioł.

Praź niekatoryja čas jana pačuła kryki brata ab dapamozie, adčuła pach dymu i stała šukać jaho ŭ domie. U kacielnuju ŭvajści nie zmahła z-za adkrytaha hareńnia ŭnutry. Nie znajšoŭšy brata, vybiehła z domu i paviedamiła susiedziam pra pažar. Jany vyklikali słužbu MNS.

Mierkavanaja pryčyna pažaru — parušeńnie praviłaŭ ekspłuatacyi aciaplalnaha katła (vykarystańnie lohkaj na zaharańnie vadkaści pry jaho raspalvańni).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?