Ivan Šeha — pryhožy, intelihientny, adukavany, niastomny va ŭsich dobrych i surjoznych spravach — kidajecca ŭ vočy adrazu. Ź im cikava razmaŭlać, jon zaŭsiody dapamoža. Takimi ludźmi my pavinny hanarycca, piša hazieta «Novy čas».

Štrych pieršy: malenstva i junactva

Naradziŭsia Ivan Šeha ŭ vioscy Valeŭka na Navahrudčynie 25 sakavika 1953 hoda. Jaho baćka Ivan Ivanavič Šeha byŭ rodam ź vioski Malušyčy Karelickaha rajona.

U 18-hadovym uzroście jon pajšoŭ na front, a paśla vajny siem hadoŭ słužyŭ u akupacyjnych vojskach u Hiermanii. Paśla demabilizacyi byŭ nakiravany na pracu ŭ Valeŭku, dzie i paznajomiŭsia z budučaj maci, tady Kłaŭdzijaj Zajka. Vynikam šlubu baćkoŭ stała naradžeńnie Ivana, a praz 6 hadoŭ i siastry Natalli.

Vania Šeha vučyŭsia dobra, navuka davałasia jamu lohka. Dy i z nastaŭnikami Ivanu Šehu vielmi pašancavała. Jon i siońnia časta ŭspaminaje ich z asablivaj ciepłynioj.

Biełaruskaści Vania vučyŭsia ŭ takich ludziej, jak nastaŭnik biełaruskaj movy i litaratury Uładzimir Urbanovič, zavuč škoły Michaił Pietrykievič, vychavanaści — u kłasnaha kiraŭnika Kaciaryny Vinahrad, dy i ŭsie astatnija nastaŭniki prymali ŭdzieł u farmiravańni z vučniaŭ sapraŭdnych ludziej.

U Valeŭskaj škole tady byŭ arhanizavany krajaznaŭčy muziej, i vučni prymali niepasredny ŭdzieł u jaho pracy, pravodzili ekskursii pa muziei padčas kanikułaŭ.

Akramia taho, kala škoły vučni i nastaŭniki stvaryli vialiki park-dendraryj z ekzatyčnymi dla našych miaścin raślinami, za jakimi školniki pastajanna nahladali. U Valeŭskuju škołu pryjazdžali i vystupali ŭ svoj čas pierad vučniami vielmi mnohija viadomyja biełaruskija piśmieńniki i paety.

Siaredniuju škołu Ivan Šeha zakončyŭ z adnoj čaćviorkaj u atestacie. Darečy, hałoŭny ŭrač Słonimskaj balnicy Juryj Piacielski, ź jakim pracavaŭ Ivan Šeha i jaki vyhaniaŭ jaho z pracy, taksama zakončyŭ Valeŭskuju škołu, ale značna paźniej.

Toje, što Ivan Šeha padaŭ dakumienty na pastupleńnie ŭ Minski dziaržaŭny miedycynski instytut, jon ličyć umiašańniem u jahony los Boha. Šeha dakumienty rychtavaŭ u politechničny instytut, ale, pryjechaŭšy ŭ Minsk, u apošni momant pamianiaŭ rašeńnie, navat sam nie viedaŭ čamu, ale adnios dakumienty ŭ miedycynski instytut.

Padčas navučańnia na sielhasrabotach paznajomiŭsia z budučaj žonkaj, jakaja vučyłasia na piedyjatryčnym fakultecie. U 1974 hodzie jany ažanilisia, a ŭ 1975-m u ich naradziŭsia syn.

U 1976 hodzie Ivan pa raźmierkavańni byŭ nakiravany na pracu ŭ Kapyl chirurham, a žonka — piedyjatram. Umovy pracy dla maładych śpiecyjalistaŭ tady mała adroźnivalisia ad ciapierašnich: žylla nie davali, tamu žyli na pryvatnaj kvatery, zarpłaty byli małyja, tamu biez dapamohi baćkoŭ było b zusim ciažka. Adpracavaŭšy nieabchodny čas, u 1980 hodzie Šehi pierajechali na radzimu žonki — u Słonim.

Praciah čytajcie tut.

Клас
0
Панылы сорам
0
Ха-ха
0
Ого
0
Сумна
0
Абуральна
0