Padazravany ŭ rezanansnym zabojstvie maładoha čałavieka, jakoje ŭ niadzielu pryviało da biesparadkaŭ u rajonie Zachodniaje Birulova na poŭdni Maskvy, zatrymany ŭ padmaskoŭnaj Kałomnie (120 kiłamietraŭ ad Maskvy), paviedamiŭ RIA Novosti pradstaŭnik pres-centra MUS RF.

«Padazravany zatrymany supracoŭnikami kryminalnaha vyšuku pry padtrymcy bajcoŭ ZACHR, u ciapierašni čas jon dastaŭlajecca ŭ Maskvu», — skazaŭ surazmoŭca ahienctva.

Zabojstva Ščarbakova ŭ niadzielu pryviało da masavych biesparadkaŭ u maskoŭskim rajonie Zachodniaje Birulova na poŭdni Maskvy.

Jahor Ščarbakoŭ byŭ zarezany ŭviečary 10 kastryčnika na vačach u svajoj dziaŭčyny, a na raspaŭsiudžanych kadrach z kamiery nazirańnia vidać, što zabojca byŭ niesłavianskaj źniešnaści.

Žychary Birulova vyjšli na vulicu z patrabavańniem znajści zabojcu, taksama jany vystupali za zakryćcio miascovaj aharodninavaj bazy, dzie, na ich dumku, pracuje šmat nielehalnych mihrantaŭ, i ŭzmacnieńnie žorstkaści mihracyjnaj palityki.

«Narodny schod» skončyŭsia masavymi biesparadkami, padčas jakich byli zatrymanyja amal 400 čałaviek.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?